Chapter(1) of Fully Human

အခန်း(၁) ပြည့်စုံသော လူသားဘ၀(Person hood-The art of being fully human)
ကျွန်တော့်ရဲ့ဒိုင်ယာရီလေးထဲမှာ အလွန်ကြီးမားကျယ်ပြန့်တဲ့ ကမ္ဘာကြီးနဲ့လူသားတွေရဲ့အကြောင်းကို ပြည့်စုံအောင်ဖေါ်ပြနိုင်မှာ မဟုတ်ပါဘူး။
ကျွန်တော့်ရဲ့သေးငယ်တဲ့ ကြိုးပမ်းအားထုတ်မှုနဲ့ ပြည့်စုံသောလူသားဘ၀ရဲ့ အဓိပ္ပါယ်ကိုဖေါ်ကျူးရာမှာ အခက်အခဲများစွာတွေ့ရှိရပါတယ်၊ ဒါကြောင့်ကျွန်တော့်ရဲ့ တင်ပြချက်တွေဟာ အခြေခံသဘောတရားမျှ လောက်သာဖြစ်ပါတယ်၊ ကျွန်တော့်ရည်ရွယ်ချက်ကတော့ စိတ်ဝင်စား သူများအတွက် မိမိတို့လက်လှမ်းမှီနိုင် သလောက် ဆက်လက်လေ့လာ ကြိုးစားကြမယ်ဆိုရင် သာယာချမ်းမြေ့ဖွယ်ကောင်းတဲ့ လူသားဘ၀ကိုရရှိ စေလိုတဲ့ ဆန္ဒဖြစ်ပါတယ်။
လူတစ်ယောက်ရဲ့ အသိညဏ်နဲ့အတေွးအခေါ်ဆိုတာကလည်း ကျွန်တော်တို့ ငယ်စဉ်ကလေးဘ၀မှာ အသိညဏ် မရင့်ကျက်ခဲ့ပါဘူး၊ တဖြည်းဖြည်းအရွယ်ရောက်လာတော့မှ သင်ယူမှတ်သားမှု စူးစမ်းဆင်ခြင်မှု တွေပြုလုပ်ရင်း အသိညဏ် တိုးတက်ရင့်သန်လာခြင်းဖြစ်ပါတယ်၊ သဘာဝ လောကကြီးထဲမှာ အစိတ်အပိုင်း တစ်ခုအနေနဲ့ ပါဝင်ပေါက်ဖွါးလာရတဲ့ လူသားတစ်ယောက်ရဲ့ဘ၀ဆိုတာ ဒီလိုပါလားလို့ တဖြည်းဖြည်း သဘောပေါက်လာပါတယ်၊တချို့မှာ မျိုးရိုးဗီဇအားနည်းချက်ကြောင့် ညဏ်ရည်နိမ့်ကျတာမျိုးဆိုရင်တော့ ချွင်းချက်ထား ရမှာဖြစ်ပါတယ်၊ကျွန်တော် ပြောချင်တာက ချွင်းချက်တွေခေတ္တဖယ်ထားပြီး မျိုးစေ့ကောင်း ရေခံ မြေခံကောင်းမှာ ပေါက်ရတဲ့သစ်ပင်လို အသီးအပွင့်တွေဝေဆာနိုင်တဲ့ အခြေအနေမျိုးပေါ်မှာ ဝေဖန်ဆန်းစစ် ကြည့်ခြင်းဖြစ်ပါတယ်၊မျိုးစေ့မှန်ရင် အပင် သန်ရမယ်လို့ ဆိုလိုပါတယ်။
လူသားတစ်ဦးအနေနဲ့ မွေးရာပါပြဋ္ဌာန်းချက် ကန့်သတ်ချက်တွေ ပါမလာပါဘူး၊ဘုရင်ဖြစ်ရမယ် လူဆိုးဖြစ်ရမယ် လူချမ်းသာဖြစ်ရမယ် ဆင်းရဲမွဲတေသူဖြစ်ရမယ် စသည်တွေဘာတစ်ခုမှ မွေးရာပါမဟုတ်ပါဘူး၊ ဒါပေမယ့် သူဖြတ်သန်းရတဲ့ခေတ်ကာလ အခြေအနေနဲ့ သူ့ပတ်ဝန်းကျင် အလျောက် ပြဋ္ဌာန်းခံဘ၀ကိုရောက်သွား တတ်ပါတယ်၊ လောကကျင့်ဝတ်တွေစည်းမျဉ်းတွေအောက်မှာ နေရင်းထိုင်ရင်း အုပ်ချုပ်ခံ ဘ၀နဲ့ မလွတ်လပ်သူ တစ်ဦး ဖြစ်သွားတတ်ပါတယ်၊အလားတူပဲ လွဲမှားတဲ့အယူ အစွန်းရောက်တဲ့ ဘာသာရေးယုံကြည်မှု နှောင်ြကိုး တွေနဲ့လဲ တုတ်နှောင် ထားခြင်းခံရတတ်ပါတယ်။
ဒါကြောင့် အ၀တ်အထည်တစ်ခုကို ဆေးအရောင်ဆိုးချင်ရင် ဦးစွာအညစ်အကြေး ချေးညှော် ကင်းစင်အောင် လျှော်ဖွပ်ပြီးမှ လိုရာဆေးရောင်ဆိုးရသကဲ့သို့ မိမိမှာလာရောက်စွဲငြိနေတဲ့အစွန်းအထင်း အညစ်အကြေးနဲ့နှောင်ကြိုးတွေကိုအရင်ဆုံးဖြုတ်ပယ်ရှင်းလင်းရပါလိမ့်မယ်၊အဲဒီအခါ မိမိရဲ့ပုဂ္ဂလဘ၀ မူလပကတိ အခြေအနေမှန် ပြန်လည်ရရှိနိုင်ပါတယ်၊ထိုပုဂ္ဂိုလ်အနေနဲ့ နဂိုရ်ပုံမှန်ဖြစ်လာတယ်ဆိုပါတော့၊ ဆိုလိုတာကတော့ ပြဋ္ဌာန်းခံဘ၀မှာ လူဟာ မိမိနဂိုရ်ရှိရင်းစွဲအရည်အသွေးတွေ မှေးမှိန်နေတတ်ခြင်းဖြစ်ပါတယ်၊ ပတ်ဝန်းကျင်ရဲ့ အရောင်ဆိုးမှု လောင်းရိပ်ပေးမှုတွေအောက်မှာ အသိညဏ်မပွင့်လင်း အရောင်မထွက်နိုင်ဖြစ်နေတတ်ပါတယ်၊ ဒါကို ဒဿနပညာရှင်တချို့က ပုဂ္ဂလဘ၀ပျောက်ဆုံးနေခြင်း လူသားဘ၀ အဓိပ္ပါယ်ကင်းမဲ့နေခြင်းလို့ ဖွင့်ဆိုကြ ပါတယ်။
အမေရိကန်နိုင်ငံမှာ ကျေးကျွန်စံနစ် ဖျက်သိမ်းချိန်က လွတ်လပ် ခွင့်ရတဲ့ ကျေးကျွန်တွေဟာ ငိုကြွေးခဲ့ကြတယ်တဲ့၊ကျွန်ဘ၀နဲ့ နေသားကျ နေတော့ သုတို့ဘာသာ မရပ်တည်နိုင်ကြဘူး၊အရာရာမှာ အရှင်သခင်ကို အားထားမှီခိုလာတဲ့အတွက် ပုဂ္ဂလဓိဋ္ဌာန် ရှင်သန်မှုမပြုနိုင်ကြဘူး၊ဒီသဘောဟာ လူသား တစ်ယောက်သည် လက်အောက်ခံဘ၀ အမှီအခိုတစ်ခုခု အောက်မှာ ရောက်ရှိနေမယ်ဆိုရင် မိမိရဲ့ ပင်ကိုယ်စွမ်းရည်နဲ့ လွတ်လပ်မှု ပျောက်ဆုံးနေတဲ့သဘောပါပဲ၊လူသည် လွတ်လပ်သူဖြစ်မှသာ ပကတိ အရှိအတိုင်း အရည်အချင်းနဲ့ စွမ်းရည်တွေ ထွက်ပေါ်လာနိုင်မှာဖြစ်ပါတယ်။ ဒီတော့ ကျွန်တော်တို့ ဘယ်လိုကျင့်ကြံ နေထိုင်သင့်ပါသလဲ။
ယုံကြည်မှုနဲ့ ကျင့်ဝတ် ( belief and ethics ) ကိုကျွန်တော်တို့ ဘယ်လို ပိုင်းခြား နားလည်သင့်ပါသလဲ၊ လောက ကျင့်ဝတ် စည်းမျဉ်း စည်းကမ်း ဥပဒေ တွေကိုလဲ ပစ်ပယ်လို့မသင့်ပါဘူး၊မိမိ ယုံကြည်ရာ ဘာသာရေး ဆိုတာကလဲ လောကရဲ့ အစိတ်အပိုင်းထဲမှာမို့ ပြုသင့်ပြုထိုက်တဲ့ အပိုင်းတွေ ကိုတော့ ကျွန်တော်တို့ လိုက်နာကျင့်သုံးကြရမှာ ဖြစ်ပါတယ်၊လောကရဲ့ စည်းအပြင် ဘက်ထွက်နေလို့ မရတဲ့ လူသားဘ၀ဟာ လောကထဲမှာပဲ ကျင်လည်ကြရမှာဖြစ်ပါတယ်။လူ့ဘောင် အဖွဲ့အစည်းကို အကျိုးပြတဲ့ ပရဟိတလုပ်ငန်းမျိုးတွေ ကိုတော့ အားပေးသင့်ပါတယ်။
ရှေးခေတ်ကလူသားတချို့လုပ်ခဲ့တဲ့ နတ်ကိုးကွယ်မှု ယာဇ်ပူဇော်ပသမှု၊အသက်ကိုစတေးပြီး ယာဇ်ပူဇော်မှု မျိုးတွေဟာ လုံးဝမဖြစ်သင့်ပါဘူး၊ယခုခေတ်ထဲမှာလည်း အသက်အိုးအိမ်စည်းစိမ်ဥစ္စာ သားမယား စသည်တွေ စွန့်ရင်မြင့်မြတ်သူဖြစ်မယ်ဆိုတဲ့အယူ၊စွန့်လွှတ်အနစ်နာခံရင် နောင်တစ်ချိန် နောင်ဘ၀ ကောင်းကျိုးရှိမယ်ဆိုတဲ့ အယူမျိုးတွေ တော်တော် များများ ကျန်ရှိနေပါသေးတယ်၊ဒါတွေဟာအယူသီးတဲ့ ယုံကြည်ကိုးကွယ်မှု အမှားတွေ၊ စိတ်ကူးယဉ်နယ်ပယ်က မရေရာမသေချာတဲ့ မျှော်လင့်ချက်ပေးခံရမှုတွေကြောင့်ဖြစ်ပါတယ်၊မိမိကိုယ်မိမိ အားကိုး ရမည့်အစား သူတပါးအပေါ် မှီခိုအားထားခြင်း၊လက်တွေ့မျက်တွေ့မကျတဲ့ တန်ခိုးရှင်များထံ ပူဇော်ပသရင် ဆုတောင်းပြည့်မယ်ဆိုတဲ့ အယူအစွဲရှိခြင်းတွေဟာ လူသားရဲ့ ကိုယ်ပိုင် စွမ်းရည်ကို ဆုံးရှုံးစေပြီး တန်ဖိုးရှိတဲ့ လက်ရှိလူသားဘ၀ကို အဓိပ္ပါယ်မဲ့ဖြစ်သွားစေပါတယ်။
ကျွန်တော်တို့ အဲဒီလို အသိမှား အမြင်မှားတွေ မဖြစ်ရအောင် မှန်ကန်တဲ့ အတွေးအခေါ်နဲ့ အသိညဏ်ကို အသုံးပြု သုံးသပ်ဆင်ခြင်ပြီးမှ လုပ်သင့်လုပ်ထိုက်တဲ့ အကျိုးပြုလုပ်ငန်းတွေကို လုပ်ဆောင်သင့်ပါတယ်၊ ဒဿနပညာရှင် စာရေးဆရာကြီးတချို့က ရေးခဲ့ဘူးပါတယ်၊လောကမှာ ကောင်းမှု/မကောင်းမှု ဆိုတာ လူတစ်ဦးနဲ့တစ်ဦး အမြင်မတူခြင်းရဲ့ အခြားသော အမည်နာမ ဝေါဟာရ ဖြစ်ကြောင်း၊အဓိပ္ပါယ် တစ်မျိုးထည်း ဖွင့်လို့မရကြောင်း၊တကယ်တော့ လူသားဘ၀မှာ လုပ်သင့်လုပ်ထိုက်လို့ လုပ်ဆောင်ရတဲ့ အခြေအနေတွေသာ ရှိကြောင်း၊စင်စစ် လူသားတွေဟာ မလုပ်မဖြစ်တဲ့ အရာကိုသာ လုပ်ဆောင်ရတာဖြစ်ကြောင်း၊အမှား/အမှန် အကောင်း/အဆိုး စသည်တွေဟာ တကယ့်ပစ္စုပ္ပန် ပကတိအခြေအနေပေါ်မှာ မူတည်ကြောင်း ဖွင့်ဆိုခဲ့ပါတယ်၊ အမှန်တရားဆိုတာ အဖြစ်မှန်ကို သိမြင်ခြင်းပါပဲ။
ဒါကြောင့် ကျွန်တော်တို့ ဘယ်အကြောင်းအရာကိုမှ လှေနံ ဓါးထစ် တရားသေမှတ်ယူပြီး မလုပ်သင့်ပါဘူး၊ဒါကို ပြောင်းလွယ် ပြင်လွယ်တဲ့ စံနစ်၊အရှင်(flexible) ဖြစ်တဲ့ စံနစ်လို့ခေါ်နိုင်ပါလိမ့်မယ် လူသား အချင်းချင်း စာနာထောက်ထားပြီး ရိုင်းပင်းကူညီခြင်း၊ညှင်းပမ်း နှိပ်စက်မှု မပြုခြင်းတို့ဟာ တရားမျှတမှု (Justice) သဘော ဆောင်ပါတယ်၊ အဲဒီ အမှန်သဘောတရားမျိးတွေဟာ လူသားတိုင်း လိုက်နာကျင့်သုံးအပ်ပါ တယ်၊ ဒါကြောင့် ကျွန်တော်တို့ ရှေးအစဉ်အလာထဲက ကောင်းနိုးရာရာ အမှန်သဘောတရားနဲ့ အတွေးအခေါ်တွေ ပေါ်မှာ ယနေ့ မျက်မှောက်ခေတ် နဲ့ အံဝင်မှုရှိအောင် သုံးသပ်ဆင်ခြင်ပြီး ပိုမိုအကျိုးရှိအောင် မွမ်းမံ(Modify) လုပ်ဆောင်ကြည့်သင့်ပါတယ်။

လူတစ်ဦးချင်းစီရဲ့ လွတ်လပ်မှုနဲ့ လူ့အဖွဲ့အစည်းလွတ်လပ်မှု မတူညီနိုင်ပါဘူး၊အဖွဲ့အစည်းဟာ အများအတွက် ထည့်စဉ်းစားရတာ ကြောင့် ကျင့်ဝတ်စည်းကမ်းတွေ မရှိမဖြစ် ရှိရမှာဖြစ်ပါတယ်၊ပုဂ္ဂလဘ၀ လွတ်လပ်မှုကတော့ ကိုယ်ပိုင်အခွင့်အရေး ကိုယ်ပိုင်အတွေးအခေါ်နဲ့ မိမိ ရဲ့ အဇ္ဈတသဏ္ဍန်မှာ ပူလောင်ဆင်းရဲ သောကတွေ ပပျောက်အောင်၊မိမိ ကိုယ်စိတ်နှစ်ဖြာ အေးငြိမ်းသာယာမှုဖြစ်စေအောင် ကျင့်ကြံနေထိုင်ရခြင်း ဖြစ်ပါတယ်၊ လူသားတစ်ယောက် အနေနဲ့ မိမိလည်း အကျိုးရှိ သူတပါးလည်းအကျိုးရှိမည့် ကိစ္စတွေကို ရွေးချယ်လုပ်ဆောင်သင့်ပါတယ်။
ကျွန်တော်တို့ဟာ မိမိအသက်မွေးမှုအတွက် သမာသမတ်ကျတဲ့ စီးပွါးရေးတွေ လုပ်ဆောင်ရင်းနဲ့၊ အလုပ်တိုင်းမှာ မျှမျှတတ(Justify)ဖြစ်အောင် ပြုလုပ်နိုင်ဖို့လိုပါတယ်၊ဒါဟာ အစွန်းလွတ် (မဇ္ဈိမ/အလယ်အလတ်) သဘောကို ဆောင်နိုင်ပါလိမ့်မယ်။
နိဂုံးချုပ် အနေနဲ့ပြောရရင် ကျွန်တော်တို့ လူသားတွေရဲ့ အသိညဏ်နဲ့ အတွေးအခေါ်ရင့်ကျက်မှုဟာ မည်မျှအရေးပါနေကြောင်း၊ ပြည့်စုံသောလူသားဘ၀ ဖြစ်ဖို့ ပုဂ္ဂလနဲ့ အဖွဲ့အစည်း လွတ်လပ်မှုဟာ အလွန် အရေးကြီးကြောင်း၊ဒါကြောင့် ကျွန်တော်တို့ အားလုံး ရင့်ကျက်သူများ ဖြစ်အောင် ကိုယ်စီကြိုးစားနိုင်ကြပါစေ လို့ဆန္ဒပြုလိုက်ပါတယ်။

ဝန်ခံချက်။ ။ကျွန်တော့်ရဲ့ ဒိုင်ယာရီ နဲ့ အတွေးအခေါ်လေးတွေဟာ စာဖတ်သူမိတ်ဆွေ အတွက် အုပ်တစ်ချပ် သဲတပွင့်ပမာ အကျိုးရှိစေမယ် ဆိုရင် ၀မ်းမြောက်လှပါပြီ၊ကျွန်တော့် တင်ပြခဲ့တဲ့ အချက်အလက်တွေဟာ ကျမ်းကိုးစာရင်း ဖေါ်ပြခြင်းမပြုသော်လည်း လက်လှမ်းမှီသမျှ စာပေ ဗဟုသုတပေါင်းစုံရဲ့ အသုံးအနှုံး၊ရှေးခေတ် ဒဿနပညာရှင်များရဲ့ အယူ အဆတွေကို ကိုးကားပါကြောင်း ၀န်ခံအပ်ပါသည်။
ယခုတင်ပြချက်သည် အကျဉ်းချုံ့မျှသာဖြစ်ပါသည်၊နောင်အခါ လူသားဘ၀ တွေးခေါ်မှုများ ကဏ္ဍအလိုက် တင်ပြနိုင်ရန် ဆက်လက်ကြိုး စားပါအုံးမည်၊စာဖတ်သူများ အနေနဲ့လည်း လက်လှမ်းမှီသမျှ ဆက်လက် လေ့လာပြီး သုံးသပ်ဆင်ခြင် ဆက်စပ်တွေးခေါ်မှုများပြုကြပါရန် တိုက်တွန်းအပ်ပါသည်။
မောင်ပညာ ၂၀၀၆ ခုနှစ်၊မေ လ
http:\\mgpyinnyar.blogspot.com
http:\\mgpyinnyar.friendster.blogs.com
Email: winpyin@gmail.com

Chapter(1) of Fully Human

the state of being wisdom

Dear reader
Please accept my appology for my delaying in writting.
I will try to post my blog's chapter (1) soon.
Thank you for your consideration.
With best wishes
Best regards.
Yours sincerely
Mr. Mg Pyin Nyar

The state of being a conscious man

Thank all readers and I'll try to continue next chapters.There are many interested thinking in

Human being, such as conscience and brain, live and death,feeling and sense,behavior and social status etc..Please wait me and accept my apology for my delaying to write.

As for my last posted blogs(in Burmese) --welcome your opinion and suggestion or even criticize and any question. With best wishes and best regards.

မောင်ပညာ http:\\mgpyinnyar.friendster.blogs.com

Email : winpyin@gmail.com VZO; winhmue@vzochat.com

http:\\mgpyinnyar.blogspot.com Tele; 95-01-505721

Yangon, Myanmar

wisdom

The State Of Being Fully Human